29/10/10.
കരാമയില് വെയ്കുന്നേരം തനിച്ചു പുറത്തിറങ്ങി. ഒരു കൊച്ചു പാര്ക്കുണ്ട് ഇവിടെ. ലുലു സൂപ്പര്മാര്ക്കെട്ടിന്റെ അടുത്തായത് കൊണ്ട് ലുലു പാര്ക്ക് എന്ന് വിളിക്കും. ഇവിടെ ഞാന് ജോലി കഴിഞ്ഞു വല്ലപ്പോഴും ജോഗ്ഗിംഗ് നടത്താറുണ്ട്. (നല്ല കളര്ഫുള് അന്തരീക്ഷമാണ്). ചുമ്മാ കുറച്ചു നേരം അവിടെ പോയിരുന്നു. കുറച്ചു കഴിഞ്ഞപ്പോള് ഒരു ഹിന്ദി കപ്പിള്സും ഏകദേശം 3 വയസ്സ് തോന്നിക്കുന്ന അവരുടെ പെണ്കുട്ടിയും കൂടി എന്റെ സമീപമെത്തി. എനിക്ക് കണ്ടാല് സങ്കടം തോന്നിക്കുന്ന അത്ര ഭംഗിയുള്ള കുട്ടിയാണ്. അച്ഛനും അമ്മയും മൊബൈല് സംസാരമോക്കെയായി അവരുടെതായ ലോകത്താണ്. കുട്ടിക്ക് എന്തോ ചിപ്സ് പാക്കറ്റ് എടുത്തു കൊടുത്തു അവര്. ആ പാക്കറ്റ്മായി അങ്ങോട്ടുമിങ്ങോട്ടും നടക്കുന്നിതിനിടക്കാനു ഞാന് കുട്ടിയുടെ കണ്ണില് പെട്ടത്. ഉടന് എന്നോട് ചിരിച്ചിട്ട് പാക്കറ്റ് നീട്ടി എനിക്ക് വേണോ എന്ന് ആംഗ്യത്താല് ചോദിച്ചു. ഞാന് ചിരിച്ചു കൊണ്ട് വേണ്ടെന്നു തലയാട്ടി. പിന്നെ പതുക്കെ എന്റെയടുത്തു വന്നിട്ട് വീണ്ടും ചോദിച്ചു. വേണ്ടെന്നു വീണ്ടും ഞാന്. മെല്ലെ ഞാന് കുട്ടിയുടെ പേര് ചോദിച്ചു. ഉടന് കിട്ടി മറുപടി. "മൃനാള്" . നല്ല രസമുള്ള ഒരു ഡ്രസ്സ് ആണ് ഇട്ടിരിക്കുന്നത്. ഞാനാ ഡ്രസ്സ്ന്റെ കളര് ഏതാ എന്ന് ചോദിച്ചു. "purple" എന്ന് മറുപടി. ആ പാക്കറ്റ്മായി അങ്ങോട്ടുമിങ്ങോട്ടും നടന്നു ഓരോ തവണയും എനിക്ക് വേണോ എന്ന് ആംഗ്യം. അത് കഴിഞ്ഞപ്പോള് അങ്ങോട്ടുമിങ്ങോട്ടും ഓട്ടം. ഓടിയെന്റെ അടുത്ത് വന്നിട്ട് എന്റെ കയ്യിലിടിക്കുകയാണ്. വല്ലപ്പോഴും മാത്രം അമ്മയുടെ അടുത്ത് പോകും. ഇടക്കെന്തിനോ അമ്മ ചെറുതായി തല്ലി. കുട്ടി എന്നോട് സ്വകാര്യമായി സങ്കടം പറഞ്ഞു, "അമ്മ തല്ലീ" എന്ന്. ഞാന് "സാരല്ല്യ" പറഞ്ഞു. ഒടുക്കം അവര് മടങ്ങി. പോരാന് നേരത്ത് ഒരു പാട് തവണ എന്നെ തിരിഞ്ഞു നോക്കി മൃനാള് "Bye Uncle" പറഞ്ഞു. എനിക്ക് വലിയ സന്തോഷം തോന്നി.
നിഷ്കളങ്കരായ കുഞ്ഞുങ്ങള്. അവര് ദൈവത്തിന്റെ മാലാഖമാരാണ്....... ഒരു സായാഹ്നത്തിന്റെ സന്തോഷം മൃനാലിന്റെ പുഞ്ചിരിയാല് നിറഞ്ഞു തുളുമ്പുന്നു...
Subscribe to:
Post Comments (Atom)
3 C O M M E N T S:
valare nannayitund!!eniyum tudaranam njanum ente frndsum kshamikkan tayyaraneda!!!!!!!!!! ALL THE BEST!!
ellavida ashamsakalum prodsahanangalum..... idoru maha sambavamavatte.....
എന്തെല്ലാമാണ് പുതിയ വിശേഷങ്ങള്
Post a Comment
കമന്റ് ഒരു വെളിച്ചമാണ്. തിരുത്താനും മുന്നോട്ട് നീങ്ങാനും.
ആ വെളിച്ചം തരുമല്ലോ...