Beef

 മതേതര രാജ്യമായ ഇന്ത്യയിൽ ഓരോ പൗരന്മാർക്കും എന്ത് ഭക്ഷിക്കണമെന്ന് തീരുമാനിക്കാനുള്ള സ്വാതന്ത്ര്യമുണ്ട്. ജനസംഖ്യയിൽ വലിയ ഒരു വിഭാഗത്തിന്റെ പട്ടിണി മാറ്റാൻ കഴിയാത്തവർ ഭക്ഷ്യ സ്വാതന്ത്ര്യം തടയുന്നത് ഒരു ഏകാധിപത്യ ചിന്തയാണ്. വർഷങ്ങൾക്ക് മുന്പ് എടപ്പാൾ എമിരേറ്റ്സ് ഹോട്ടലിൽ കൈ വശമുള്ള പോക്കെറ്റ്‌ മണികൾ ഞാനും കൂട്ടുകാരുമായി പങ്കിട്ടെടുത്ത് കഴിച്ച് തുടങ്ങിയതാണ്‌ ഈ ബീഫ് എന്ന സാധനം. ഞങ്ങളിൽ ആരേലും ക്രിസ്ത്യാനിയാണോ മുസ്ലീമാണോ എന്ന് നോക്കിയായിരുന്നില്ല ആ വിഭവ തിരഞ്ഞെടുപ്പ്. തികച്ചും വർഗീയ അജണ്ട ഒളിപ്പിച്ച് വെച്ച് നടത്താൻ പോകുന്ന ഇത്തരം നിരോധനത്തിൽ നിന്നും നാനാ മതസ്ഥർ സമാധാനപൂർവം താമസിക്കുന്ന ഒരു രാജ്യത്തെ ഭരിക്കുന്ന ഭരണകൂടം പിന്മാറണം എന്നാണു എന്റെ വ്യക്തിപരമായ അഭിപ്രായം.